tirsdag 17. november 2009

Vaksinasjon

Då var det gjort!









 






   



Då var alle unnteken DUNNISbabyen vaksinerte mot svineinfluensa. Bergen Kommune utvida onsdag i forrige veke tilbodet om vaksine mot A(H1N1)-svineinfluensa til å omfatte nye grupper, ei av desse gruppene er 'husstandsmedlemmer rundt spedbarn under 6 månader', og sidan DUNNISbabyen ikkje er meir enn litt over 3 månader, så kunne me altså i går ta turen til ein av dei vaksinasjonsstasjonane Bergen Kommune har oppretta, nærmare bestemt Brann Stadion, for å få tatt vaksinen.

Eg må innrømma at eg har vore ein smule...berre ein pitteliten smule, altså...skeptisk til denne nye vaksinen, spesielt etter alt eg har lese og høyrt, samtidig er eg jo fullstendig klar over at media har ein lei tendens til å blåse opp alle enkeltsaker og fokusere på død og dødstal, så eg bestemte meg egentleg ganske tidleg for at eg kom til å ta vaksinen så snart det vart min tur. Eg vel å stole på helsemyndigheiter og forskarar og den dokumentasjonen dei kjem med. Vaksinen vert faktisk framstilt med ein tradisjonell, godt utprøvd metode, og er godkjent i heile Europa basert på ei vurdering av dokumentasjon av vaksinens effekt og sikkerheit. Ved å ta vaksinen beskyttar eg meg sjølv, hindrar spredning av smitte til risikogrupper, familiemedlemmer og andre nære kontaktar. I går ettermiddag reiste me altså til "Stadion", med gratis vaksinebuss og greier, for å få eit lite stikk... og eg må sei eg vart utruleg imponert over det opplegget som Bergen kommune har oppretta, det var skikkeleg proffesjonelt, og ikkje var det noko særleg med kø heller, så det heile gjekk temmeleg kjapt. Likevel, helsepersonellet hadde god tid til oss, både før og etter stikket, så eg kjende meg både trygg og godt ivareteken, dessutan vart det utøvd god pedagogikk..;)
No sit eg her, både letta og glad, kun med øm arm, elles ingen andre bivirkningar...får berre håpe eg ikkje vert sjuk no, då...er jo ikkje heilt immun før om eit par-tre veker.





3 kommentarer:

Pink Lady sa...

Hei!

Takk for superhyggelige kommentarer fra deg. Det er så kjekt!

Så bra at dere har fått tatt vaksinen og at det gikk så greit på Stadion. Jeg tok vaksinen i Fyllingsdalen på tirsdag, siste dag de vaksinerte kun risikogrupper. Det gikk skikkelig kjapt og greit. Jeg var litt tufsen dagen derpå og øm i armen.

Jeg velger å stole på at vaksinen er trygg. Og når helsemyndighetene og anbefaler ALLE å ta den, så hører jeg på det! :)

Ha en god dag.

Klem Pink Lady

Anonym sa...

Eg venter bare på å få lov å ta den eg.... *sukk*

Anna-Lena, Drömmar av silver sa...

Hej!

Vilken fin blogg du har! Vad roligt att du vill delta i min utlottning. 2 lotter ligger i potten för din del!

Kram Anna-Lena