Løvetann til mamma

"Denne er til deg, mamma!", ropte  DUNNISguten til meg då han kom heim att frå barnehagen  i går ettermiddag.

Ein liten løvetann

med ein kort stilk

akkurat passeleg stor

og 

nesten passeleg lang

til mamma sin minste vase.

Ein akkurat passeleg stor løvetann, plukka av ein  5-åring på veg heim ein ettermiddag.

Mammahjarta vart

stort

og

varmt

Augo vart

blanke

og

våte

Finst det noko vakrare enn eit barn med ein liten løvetann i handa?

*smelt*

Har du fått blomar frå nokon du er glad i i det siste?

Ha ein fin dag!

Heldige meg!

Hurra!

I den store giveawayen til FruFly, var eg ein av dei heldige vinnarane som vart trukke ut.
Eg vann eit gavekort frå En gul knapp
og gjett om eg er glad...ja, hoppande glad, faktisk!
En gul knapp er ein av favorittbutikkane mine her i Bergen, så dette var midt i blinken:)
Då eg vart med på giveawayen tenkte eg, at om eg skulle vere så heldig å ha vinnerlukka med meg denne gongen, ville eg nok aller helst vinne dette gåvekortet ...og slik skulle det gå...det hadde ikkje eg trudd...

Jippi!

Takk til HerrFly som sa nummeret på min kommentar!
Og ikkje minst takk til FruFly som hadde denne flotte giveawayen med så mange fantastisk flotte premiar!
Om du ikkje allereie har vore på besøk hjå kreative FruFly, så anbefalar eg deg å ta ein tur...absolutt verdt eit besøk!
Fantastisk inspirerande, givande og fin blogg!



I'm happy today!
Je suis heureuse!
La, la, la...

Foto: Weheartit

Fiiin dag til alle som kikkar innom!

Lopper 2

Ein del kjøkkenutstyr vart også med meg heim frå loppis forrige helg. Spesielt godt likar eg potetkuttaren av merket Villa...denne kjem nok til å bli brukt ein god del, er perfekt til å kutte opp grønsaker med til Wok, men også til dip, vil eg tru. Eg må teste han ut ein dag. 

Melittatrakta er vel mest til pynt, men eg kjem kanskje til å tørke støv av ho i ny og ne, og bruke ho til å trakte kaffi rett på termosen. Eg hugsar forresten godt kor godt det lukta på kjøkkenet til besteforeldra mine, då dei trakta kaffi på denne måten.

Den lyseblå korga er plassert oppi den minste vaskekummen på kjøkenet; fin til å ha oppvaskekostar og svampar oppi.

Rivjernet fekk vere med heim fordi det er mykje betre å halde i enn det eg har, dessutan har det fleire funksjonar, òg:)

To bøker: "Alt om hagen - Stauder" og "Om mennesket", var der siste eg kjøpte den dagen.

Fine bøker med flotte bilete og illustrasjonar. 

Ei ny helg står for tur og heile fire loppemarked  går av stabelen i Bergen. Er eg heldig, vert det kanskje tid til ein liten tur innom eit av dei.

God helg til alle som kikkar innom!

Lopper

På laurdag kom eg meg endeleg avgårde på eit av byens mange loppemarked som gjekk av stabelen forrige helg. Dunnisjenta var med denne gongen, og då me møtte opp, berre ein liten halvtime etter opningstid, var det allereie stinn brakke, men me lot oss ikkje skremma av den grunn...heller ikkje stresse. Me tok oss god tid, og kikka vel og lenge. Det vart nokre rundar rundt omkring i lokala etter kvart, men me hadde sjølvsagt lagt inn ein aldri så liten kafépause; med kaffi, saft og kaker...for det høyrer med når ein er på loppemarked.

Etter nokre timar sa me oss fornøyde, og jammen hadde me med oss litt av kvart heim att, òg.

 Her er nokre av skattane: 

Fleire lopper og litt meir om bøkene på det fyrste biletet, kjem om litt...

Ein litt sliten tulipan...

står og  

solar 

seg i glaskarmen

strekker 

seg mot sola

og

foldar 

ut dei tørre kronblada sine

og  

kjenner 

kor godt det gjer med 

vårsol

og 

ein 

ny

vår

nett so meg...

Spania

Eg har plukka ut eit lite knippe bilete frå Spaniaturen i byrjinga av mars. I dag har eg sett igjennom alle bileta me tok på turen og kjende at eg lengta attende...

Me hadde ei opplevelsesrik veke der nede, og eg trur nok at eg kjem til å reise ned att, om eg skulle få mogelegheita til det, men då vil eg reise om sumaren.

Me budde midt oppi appelsinlundene like i nærleiken av Alfaz del Pi. Ikkje langt unna låg byane Altea, Albir og Nucia, og litt lenger unna låg Benidorm. Me var innom alle desse både ein og to gongar, og aller best likte eg gamlebyen i Altea...der var det utruleg fint og nydelege motiv over alt.

Litt sol og varme gjorde utruleg godt...me var så heldige å få nokre dagar med temperaturar opp mot og over 20 pluss...elles var det stort sett overskya og regn. 

Turen var ein deileg forsmak på våren og sumaren...og eg kjem til å leve lenge på denne.

Her heime har snøen endelg sluppe taket og våren er i anmarsj. På laurdag såg eg snøklokker i ein hage, og i går kom ungane inn med greiner med pusekattar...Herleg!

Elles ventar me på svar ifrå forsikringsselskapet ang fuktskaden på soverommet og håpar me snart kan gå igang med oppussing, så me kan flytte inn att...om ikkje så altfor lenge. Frykteleg kjedeleg å gå sånn og vente og ikkje få gjort noko...

Vel, det trengst litt "oppusssing" ute på altanen, òg...og det treng eg ikkje vente med, heldigvis...

Fin veke til alle som kikkar innom!

Turen går til Sør-Spania

 

 

Dunnisbabyen i sin fine, gule solhatt:)

På denne tida i morgon er Dunnismannen, Dunnisbabyen og moi i Sør-Spania på ei vekes etterlengta ferie. Flyet går grytidleg i morgon tidleg, og går alt etter planen står me på spansk jord klokka tolv i morgon føremiddag. 

Det meste er pakka og klart, no gjenstår berre å få unna litt småtteri, før eg kan setje meg ned og slappe heilt av...vel, spørst om eg klarer det, då...kjenner allereie reisefeberen herje i kroppen. Det er ei stund sidan eg har vore ute og reist så langt no, og eg må innrømme at eg ikkje er så altfor glad i å fly...elska å fly heilt til eg fekk barn...brått så vart eg ein stor smule redd for å fly. 

Denne gongen går turen til fastlandet, til ein liten stad like ved Altea og Benidorm. Her skal me slappe av, lade opp batteria og kose oss med utflukter, god mat og ein deileg forsmak på våren/sumaren. Temperaturen i området har allereie vore opp i 18 grader og det lovar godt.

Ei stund spøka det litt for turen. Onsdag denne veka oppdaga eg nemleg ein lekkasje/fuktskade på soverommet vårt...og vart sjølvsagt veldig fortvila.

 Etter rapportering av skaden og lange samtalar med både den eine og den andre, kunne eg pusta letta ut og fortsetje å pakke.

No skal me prøve så godt me kan å "gløyme" lekkasje og alt arbeidet som ventar oss når me vender attende til Bergen, og leve livets late dagar i Spania.

Hasta luego!

God helg til alle som kikkar innom!

Blånissevotten

Blånissevotten til Dunnisguten er ute i snøstormen saman med maken sin. Dei varmar akkurat no eit par fem år gamle hender på veg til barnehagen. Mon tru om dei allereie er like dekka av snø som på biletet over...for ute lavar det ned; svære snøkjerringar...tett i tett...

Varme og gode er i alle høve hendene som er inni vottane, for slike tova vottar er tjukke og gode og så å sei vanntette. Me hadde nesten gløymt at me hadde desse i hus, heilt til me fekk denne lange og snørike vinteren, og alle andre vottar, av ulike slag, viste seg å ikkje vere verken varme eller tette nok...i alle høve ikkje til ein femåring som leikar i snøen i timesvis.

Eg har ikkje strikka dei sjølv, trass i at eg gjerne kunne gjort det. Desse vottane var ei gåve til Dunnisjenta på den tida då blånissefeberen herja landet fyrste gongen. Hugsar du? 

Men eg har strikka fem blånisseluer, ein gensar og ein halsvarmar, og kan hugse at det etter kvart vart vanskeleg å få tak i både garn og pinnar i rette tjukkelsen...ja, for brått skulle alle strikke blånisseklede...strikkekunsten fekk seg ein skikkelg oppsving på den tida.

No må eg leite fram eit par tova vottar til meg sjølv, for eg skal nemleg ut i dag...med barnevogn...puh!

Ha ein snørik og fin onsdag!

Primula i mine vakraste potteskjularar

 

  

 

Primula kjem av det latinske ordet "primus" og betyr den fyrste, og denne planten er vårblome nummer 1, synest eg.

Ein enkel, men vakker plante.

Primula kjem opprinneleg frå fjellområda i Europa og dei tempererte områda av Asia og Nord-Amerika. Det er berre nokre få artar av primula som vert brukt som stoveplantar, dei fleste veks vilt eller er å finne som hageplanter. Primula har ein lang historie som medisinplante og før i tida vart  primula ofte brukt for å lindre ledd- og hovudsmerter.

Primula kjem i alle regnbogen sine fargar og kan bløme ganske lenge, men ein må passe godt på å vatne gjevnleg. Namnet kler planten godt, då dette er ein tidlegblømande plante og kanskje ein av dei fyste plantane mange kjøper på nyåret.

Likar så godt den bleikgule fargen på blomane...ein nydeleg farge!

Potteskjularen på bileta over arva eg etter mi kjære bestemor då ho gjekk bort. Ho hadde to slike potteskjularar og eg arva begge. Ho hadde som oftast St. Pauliaplantar oppi desse, og stundom Ynde eller Begonia. Bestemor skjøna nok at eg synest pottene var fine, for medan ho enno levde, lova ho meg at eg skulle få arve pottene etter henne. Det er eg veldig glad og takksam for.

Eg veit ikkje heilt kor gamle dei er, men dei er i alle høve ifrå 50-talet, kanskje før.

Dette er absolutt dei vakraste potteskjularane eg har!
Har du nokon favoritt?

Her lavar snøen ned att og eg lengtar verkeleg mot vår no...denne vinteren har vore lang.

Eg trøystar meg med att eg snart får litt luft under vingene og varmare vind i håret;)

Ha ein super sundag!

Sol ute, sol inne...

 

Det er så utruleg deileg når sola kikkar inn i stova! Eg kan kjenne kor ho varmar og kan nesten ikkje vente til det er varmt nok til å sitje i solveggen ute på altanen. Gler meg til å rydde opp der ute;  kaste vissne og vinterdvaske lyngplantar som har lege begravd under snø i eit par månader, og plante nye påskeliljer og andre vårplantar i krukker og kar. Det må nok vente ei stund til, for vinteren klamrar seg fast her i Bergen by. 

Nok ein strålande dag her i Vestlandet sin hovudstad, med sol og kuldegradar. Men må nok nyte sola inne i dag, for DUNNISguten er enno litt pjusk etter at eit nokså hissig magevirus inntok heimen i går natt. Sjølv håpar eg at det ikkje utviklar seg til meir enn den småkvalmen og hovudverket eg har for augneblinken...*håpe*

Mariekjeks og sitronbrus går ned i små porsjonar der borte i sofaen, medan Cars rullar over skjermen. Eg har planar om å slenge meg på sofaen så snart DUNNISbabyen sovnar. Strikke litt og nyte enno meir varmt i koppen:)

Ha ein fin dag!