Fantastisk Funn på Finn

Endeleg fann eg det eg har vore på jakt etter lenge, nemleg spisebord i rette storleiken med ileggsplater og seks stolar til. 

Det er berre heilt fantastisk, og eg er sååå fornøyd og lykkeleg! 

Flaks var det, òg! 

Eg er jo nesten aldri innom Finn lenger no etter at eg fekk augo opp for bloggverda og blogging, før var eg innom nesten dagleg. 

Eg sat altså og las på ein av desse fine interiørbloggane, om ei som er på jakt etter nytt salongbord, men som ikkje har funne det rette enno og derfor tenkte ho skulle kikke etter på Finn...

Hmm, tenkte eg, der er det lenge sidan eg har vore innom... og så...

*svupp* 

så hadde eg klikka meg fram til både Torget, Hordaland og Møbler og der, på øverste annonsa, såg eg bordet og stolane mine...

Eit lite tilbakeblikk:

Eg grip etter mobilen...slår nummeret...kjenner at hjarta slår, og så...

...etter ein kort samtale med selgar, legg eg på, og har altså avtale om å gje han tilbakemelding i løpet av morgondagen, på om eg kan hente bordet i løpet av neste dag eller ikkje...for selgar vil gjene kvitte seg med møblane litt kvikt. Sidan eg verken har bil eller lappen, for den saks skuld, må bil lånast eller leigast, og det litt fort. Eg ringer DUNNISmannen, som akkurat er ferdig på kurs...heldigvis..., og legg fram "nestenkjøpet" og planane mine for morgondagen. Han kan vel ikkje anna enn å sei at han kan køyre, om me får skaffa bil då, vel og merke. Eg har ikkje før lagt på, så ringer selgar att, og informerer om at han har kjempepågang og må få ei rask avklaring på om eg vil ha møblane...han gir meg ein time. Eg ringer DUNNISmannen att...

- Sei at me tek dei, det ordnar seg med bil, seier han. Heseblesen ringer eg selgar nok ein gong: - Eg tek møblane, eg...det ordnar seg med bil, seier eg...osv.

I morgon køyrer me altså for å hente bord og stolar, med lånt bil. Eg har allereie lagt planar for kva anna me kan få ordna i same slengen...ein tur på Ikea f.eks...me har jo lenge snakka om at me treng meir sitjeplass foran fjernsynet...hadde me egentleg ikkje vorte enige om å kjøpe ein to-seter og ein lenestol..? Ein tur innom Barnas hus for å ordne vinterklede og -sko òg, kanskje...

Vel, fyrst og fremst skal me endeleg få i hus spisebord og stolar.

Gler meg!

Bonne nuit!

Sjørøverbursdag...siste etappe...

Då var me i mål for denne gongen...siste bursdagsfesten vart avslutta for berre nokre timar sidan...puh!  Eg kjenner det i både rygg, armar og bein. Og litt i hovudet òg, då...og bekkenet...ja, det skranglar fortsatt etter siste svangerskap...  men no må eg snart få sett å ringe til den fysioterapeuten min og få gjort nokke med det! 
Ja, for det er skikkeleg vondt innimellom, det er berre det at med ein gong eg ikkje har noko særleg med smerter, så trur eg at eg er bra att og på bedringens veg...og så tenker eg at eg kanskje ikkje treng behandling, likevel. 
Typisk meg! Men no er det altså heilt nødvendig med både massage, trening og nåler, kjenner eg...var så vidt eg kom meg opp av sofaen i stad...var ikkje akkurat så rask på foten då eg fyrst hadde kome meg opp i ståande, heller. Ja, det er heilt utruleg kor fort eg stivnar til...
Vel, no var det i grunnen ikkje bekkenet mitt eg hadde tenkt å skrive om akkurat...var berre det, at eg synest det er litt rart å tenke på at eg i den eine augneblinken fauk rundt her som den spretne sjørøverdama...for så i neste augneblink å vagge inn på kjøkkenet som ei anna kalvbeint ku...
...ja, det tek på å feire bursdag onsdag, fredag, søndag og så tirsdag att...sjølvaste dagen for 5-åringen, Jenteselskap for 11-åringen, Familieselskap for begge i eit jafs og så no Sjørøverbursdag for 5-åringen att...eit einaste langt bursdagsmaraton! Slitsamt...som eg har vore inne på... ja!, men veldig kjekt og givande, og for ei mor, er det fantastisk å sjå kor mykje glede og lykke det skaper. For det ligg ein god del arbeid bak;  mange timar på kjøkkenet, og nokre timar til å dekke på, pynte og  dekorere, også...for ikkje å snakke om fiskedammar som skal planleggast og riggast til, godteposar som skal fyllast og kanskje ei og anna lite skattekiste som må gøymast...
Sjølvsagt er ikkje alt dette strengt tatt nødvendig, men eg likar dét, likar å bake, dekke på og pynte. Eg likar å planlegge aktivitetar og leikar...likar  å delta aktivt i selskapet, gjerne som sjørøverdame, slik som i dag...då kjenner eg meg levande. Det er nok denne deltakardelen eg likar aller best...
For nokre år sidan var det bakinga eg la heile mi sjel i...alt skulle lagast frå botnen av og helst skulle det bugne over på fata av, ja, ikkje berre to typar bakverk, men gjerne fire eller fem...og ofte noko varmmat i tillegg.  
No seier eg Takk Toro og Møllerens!!!
Det er inga skam å bake 1-2-3! (Vert ekstra god tid til pyntinga...må innrømma at eg enno legg litt av sjela mi i den, då...)
Siste selskapet, siste etappen denne gongen, vart Sjørøverfest med ti små sjørøverar i alderen 4-5 år...med sjørøverhatter -og drakter, augnelappar, sablar og sverd...ja, full habitt :) To timar moro med tid til leik (les frileik), pizza, meir leik (fortsatt frileik), muffins, opning av presangar og enno meir frileik, før det heile vart avslutta med "fiske på havet" (med godteposar som fangst) og ein sjørøvertrall. 
Smilande ongar, brølande ongar, hoppande og dansande ongar...ja verkeleg fine ongar...og fornøyd, men sliten sjørøvermamma...med skranglande bekken :)

...nå kan vi ta det rolig, de neste...

Hiv o'hoi!

5-åring

Dunnisguten fylte 5 år i går.
Gratulera med vel overstått, bøllefrøet mitt!
DUNNISMoR hadde egentleg tenkt å skrive eit innlegg på dagen, men då kvelden kom kjende ho seg som ein vridd oppvaskeklut og orka ikkje anna enn å strande på sofaen og glane på fjernsynet.
Dagen starta med "Happy Birthday", muffins med lys og opning av presangar på senga. Ein i utgangspunktet trøtt gut, vart brått forvandla til ein nokså energisk gut då han såg brettet med muffinsar og haugen med presangar som DUNNISjenta kom berande med. Han opna den eine presangen etter den andre i racerfart. Smilet rundt munnen vart breiare og breiare etter kvart som innhaldet i pakkene viste seg...og det regelrett flaug innpakningspapir og gåveband rundt i rommet. Det vart både Power Miners, Carshelikopter, Carsbilar, Eventyrbok, Thomas signalhus og Eventyrbok på vakre, gode, snille, artige, omsorgsfulle, hjelpsame, omtenksame og fine guten min.
Etter denne seansen, var det berre til å kome seg avgårde til barnehagen...og eg fór ut av dørene, som ein virvelvind, med sekkar og posar i den eine armen og baby under den andre...og så bursdagsbarnet, sjølvsagt, hakk i hel. Me småsprang til bussen...nok ein gong...og hadde ikkje før sete oss ned før bussen køyrde. 
Framme i barnehagen vart det gratulasjonar frå alle kantar...vart nok litt i meste laget for bursdagsbarnet... for ei hand kom snikande inn i mi og ville ikkje heilt gje slepp på ei stund...
Medan barna i barnehagen hadde samlingstund, lånte eg kjøkkenet...pynting av Sjørøvermuffins måtte til... bakt kvelden før, men fordi det skulle vere så mykje pynt på dei, måtte dette gjerast etter transport. Etter at muffinsane hadde fått blå glasur, lyseblå smørkremtoppar, lakrisbåtar med sjørøverflagg oppå der att, gullpenge og sabel stukke nedi, var det tid for DUNNISMoR å gå. Barna fekk kose seg med sjørøvermuffins (bilete kjem) etter smørelunsjen og eg kunne kose meg i byen.
Etter barnehagen vart det feiring eit par timar på Fridays med middag og dessert.
Ein sliten, men fornøyd 5-åring, kraup stuptrøtt opp i senga den kvelden...det tek på å ha bursdag... Heilt til slutt på bursdagen las me faktabok om havet...favorittboka for tida...og gullongen sovna  til slutt med eit smil om munnen.

Glad i deg!

Rim og Regler

Tå-regle

 

Tetil, 

Tåtil, 

Tillerot, 

Neglefru 

og 

Store Gubben Hesten

Finger-regle

Tommeltott,

Slikkepott,

Langemann,

Gullebrann,

og

Lille Petter Spellemann

Panneben

Panneben,

Øyesten,

Øreflipp,

Nesetipp,

Munnelipp,

Hakesnipp

og

Dikke, dikke, dikk

Dette er kjente og kjære rim og regler. 

Desse små reglene kjenner dei fleste av oss til...kanskje det var dei fyrste me lærte då me var små...

 Små fingrar og tær innbyr ofte til leik og sang...ofte i stellesituasjoner.

Noko av det fyrste ein baby oppdagar, er eigne fingrar og tær. 

Her om dagen vart eg oppmerksam på at DUNNISbabyen, som no nærmar seg tre månader, låg og studerte handa si. Ho har etterkvart utvikla meir kontrollerte bevegelsar og no låg ho altså og bevega på armen og handa nært opp mot andletet. Dette heldt ho på med ei god stund...før ho så putta nesten heile handa inn i munnen sin...for å "ta og føle" på med smaksansen.

Fasinerande!

Tærne har ho ikkje oppdaga riktig enno...men trur det er like før...ho øver seg stadig vekk på å løfte på beina og rumpa...

Spennande!

 

God tirsdag!

DUNNISMoR

Tulips in my head

 

 

 

Kvite tulipanar er vakre...

nokon av dei vakraste blomane som finst...

med reine linjer og ein sjeldan ynde står dei og strekk på hovuda sine og nikkar til meg. 

I byrjinga er dei inneslutta og lukka... der dei står og strekk halsen sin så lang han er mot lyset. 

Etterkvart opnar dei seg meir opp for meg, bøyer litt på nakken og kikkar rundt seg i rommet...

smiler.

Til slutt lener dei hovudet sitt langt fram og bukkar djupt for meg...og eg neier attende.

Når det er Vinternatt fyller DUNNISjenta og Ole Brumm år...

Det er ein spesiell dag i dag.

For der fyrste er det elleve år sidan DUNNISjenta kom til verda.

<3 til lukka med dagen kjære, snille, gode, omsorgsfulle, omtenksame, hjelpsame, dyktige, kreative, kloke og vakre jento mi!

Eg er så gla i deg!

Du er det mest fantastiske som har hendt meg!

For det andre er det ifylje primstaven Vinternatt/ fyrste Vinterdag i dag.

Fyrste vinterdag er som regel avmerka på primstaven med eit bladlaust tre (den sterke vinden på dinesmesse hadde blåst blada av trea) eller ein vott. Votten er eigentleg ein pavehanske, sidan denne dagen også er messedag for pave Callistus - ein av dei mange som led martyrdøden under kristenforfylgingane på 200-talet. På våre breiddegrader vart hansken etter kvart til ein vott, sidan denne dagen var den fyrste dagen på primstavens vinter-side.

For det tredje har Ole Brumm også bursdag i dag. Han fylte 72 år den dagen DUNNISjenta såg dagens lys...og dersom eg reknar fort i hovudet no, så kjem eg fram til at han fyller 83 år i dag. 

Den dagen...for elleve år sidan...då han fylte 72 år, hadde han faktisk hatt bursdagsselskap på barneklinikken. Dette vart me fortalt medan me venta på at babyen skulle kome ut. Det som var så rart, var at han òg satt på nattbordet inne på fødestova...satt der og venta...

Eg likar veldig godt denne gode, gamle bjørnen...kven gjer ikkje det? Derfor hadde eg kjøpt ein til den lille i magen og teke han med på sjukehuset...og då den etterlengta DUNNISjenta endeleg kom til verda...så var det på bursdagen til sjølvaste Ole Brumm!

Den fyrste boka om Ole Brumm vart utgiven 14 oktober 1926, som vert rekna som Ole Brumm sin fødselsdag. Boka vart oversatt til norsk i 1932 av Rikka Bjølgerud Deinboll og kom i ei ny og forkortå utgave i 1974 ved forfattaren og visedikteren Thorbjørn Egner.

14 oktober 2009

DUNNISjenta vart vekt kvart på sju av at DUNNISguten, DUNNISmannen og DUNNISMoR song  "Happy Birthday" for full hals. Tradisjonen tru, vart det servert Muffins med saft. Lysa...vel, lyset vart blese ut.. .og sidan det er litt trongt om plassen på ein muffins, så nøya me oss med eit hjartelys. Etter fru...muffinsane, opna bursdagsbarnet pakkar og vart strålande fornøyd med innhaldet: arkivmappe (Tilda), toolbox, jewellery bead kit og sewing box (Tilda)...alt frå Panduro. (Gjett om ho gler seg til å ta gåvene i bruk!)

Sjølv om ein har bursdag, må ein på skulen, så etter gåvedrysset var det berre til å kle på seg, gå på badet og kome seg avgårde til bussen i ein fela fart. Med sekken på ryggen og ein svær Ikeapose (papirutgåva) med muffins i den eine handa, fór ho glad og fornøyd ut av døra. Oppi Ikeaposen låg 20 muffinsar med svart glasur og spindelvevmønster og desse skulle delast med alle dei andre i klassen...for ein feirar fortsatt litt på skulen...sjølv om ein vert elleve år. Muffinsane bestilte ho forresten av DUNNISMoR fleire dagar i førevegen...og dei vart ein like stor suksess i år, som i fjor.

Etter endt skuledag, vart det vidare feiring på Friday's saman med DUNNISfamilien, Bestemor og Pappaen...noko DUNNISjenta hadde eit sterkt ynskje om. Her vart det fylt på med både hamburgarar, kaker, is og brus, og etter nesten to timar, trilla me så og sei ut att.

Så er det jo slik at du feirer resten av dagen din hjå Pappa...sidan du er hjå han i dag. Helst skulle eg vore med deg resten av dagen og kvelden, òg, ja, heile tida...heile livet..., men eg veit jo godt at ei DUNNISjente må vere saman med både pappaen og mammaen sin...

det er dét som er rett for deg...

Du har hatt den finaste bursdagen i livet ditt, sa du på telefon, då du skulle ringe for å sei god natt, og det gjer det utruleg godt, for ei DUNNISMoR som saknar jenta si, å høyre.

 

Kjære Ole Brumm

Gratulerer med dagen til deg, òg! 

 

Haustluft og Full fres på ein sundag...

 

Calluna og Sølvtråd i nyanskaffa zinkpotter frå Plantasjen...og ei gamal zinkkanne kjøpt på Ikea for mange år sidan, pyntar opp på altanen min. 

 

 

Det er utan tvil haust...me er snart halvvegs i oktober, men i dette skogholten, som eg gjekk igjennom i dag, skulle ein tru at sommaren har klamra seg fast...fortsatt ganske grønt i trekrunene. Likevel, lauva på bakken talar for seg...

...fantastisk å "vasse " i.

 

 

Sundagsaktivitet

Dei to eldste DUNNISbarna i full aktivitet i Hallen. Her er det flotte boltringsmogelegheiter...

Sykle

Spille

Rulle

Hoppe

Danse

og 

Springe

...til ein vert varm og svett...

...og må setje seg ned og nyte medbragte vafler og 

ein kopp kakao.

 

Enno meir fart og moro...

-Lag fart, då!

-Enno større fart!

-Dette var gøyt! 

DUNNISbabyen søv i vogna si...finst det noko betre enn å sove ute i deileg hausluft...

Denne helga, kom eg meg endeleg på loppemarked...

Innlegg kjem snart...

Ha ei fin-fin veke!

DUNNISMoR

  

Studie av Julemagasiner

Voilà! 

KK Julemagasin er her...

 

...fylt opp med masse herlege gåveidéar, interiørtips og handarbeide.

 

...myk pakke eller hard pakke?

 

...ventetid

 

  

...tradisjonelt glanspapir, eller fargesprakande med mønster?

 

Reinsdyrtrend...

 

 Som sagt...

 ...Julemagasina er her!

På min runde i butikken i går, gjekk eg sjølvsagt forbi bladhylla, og fekk då auga på det eg har venta ei lita stund på no:

KK

Dette julemagasinet har eg lese sidan 1998. I Oktober det året fekk eg faktisk bladet i barselgåve, av den eine systera mi, då eg låg på Barselloftet som nybakt mor til DUNNISjenta...og har kjøpt, lese og vorte inspirert av bladet kvart einaste år sidan. Eg kjem i ei heilt spesiell stemning når eg set meg ned med dette bladet... mange minner frå tida som nybakt mor strøymer alltid på... og idet eg blar opp på fyrste sida, kan eg eg kan nesten kjenne lukta av rå, kald haustluft og høyre lyden av høststormar og regn som piskar mot vindauga.

Etter kvart som eg blar, får eg meir ei stemning av vinterkulde og kvitt lys... eg kjenner lukta av snø og fyring, og får bilete av snøtunge tre og stjerneklar natthimmel på netthinna.

 

Sjå kva eg har ståande på den gamle sjenken min...

...året rundt...

...dei er jo prikk like på reinsdyra avbilda i KK. 

Eg kjøpte mine på Kremmerhuset i fjor haust og har hatt dei framme heile tida... dei har til og med vore nokre rundar på ville ritt rundt omkring i huset saman med DUNNISguten...

 

...reinsdyrsimla manglar eg visst.

 

Nydeleg blomsterbukett med amaryllis. I år skal eg i alle fall ha både kvit og raud amarylllis i vindusposten.

Etter middag tek eg turen ut på Plantasjen saman med ein god ven...som har bil...for å kjøpe haustblomar, kanskje dei har fått inn amaryllis allereie...håpar det.

Og når eg kjem heim, kan eg forhåpeltlegvis bla litt til i KK.

Ha ein fin ettermiddag og kveld!

DUNNISMoR

Det manglar ein knapp...

Når det manglar ein knapp og ein ikkje finn han att, må ei fram med knappesamlinga og velge seg ut ein ny som liknar den gamle, eller rett og slett byte dei gamle ut med heilt nye. 

For ei god stund sidan fann eg nokre herlege porselensknappar på ein artig butikk, som no diverre er nedlagt. Mint heitte denne butikken, og han låg nærmare bestemt på strandkaien i Bergen. Der selde dei altså desse fine knappane eg berre måtte ha...ville heilt sikkert få bruk for dei til eit eller anna, ein eller annan gong. Eg må innrømma at dei har lege veldig lenge og venta oppi knappesamlinga, heilt til eg skulle ta på DUNNISbabyen ei av dei kvite sparkebuksene frå Janus, som forresten er både gode og praktiske, og oppdaga at det mangla ein knapp...då kom eg plutseleg på at eg hadde dei liggande. Fram med nål og tråd, av med den gamle som fortsatt hang fast og på med to nye...og vips så hadde sparkebuksa fått ei ansiktsløftning og knappane ei ny stad å vere.

Knappane er Norsk Design av merket Snella & Petronella og er å få tak i fleire stader...mellom anna i nettbutikken deira: www.snellaogpetronella.no. Veldig fin og artig nettside med masse knappar som ventar på å bli sydd fast i noko...ei sparkebukse, ei skjorte eller rett og slett berre som pynt på ei hue.

Papirpose frå den fine butikken Mint. Oppi denne låg...

 

...porselensknapper... 

 

...frå Snella & Petronella <3

Eg har to knappar att som det står "engel" på. Lurar på kor eg skal sy dei fast...kanskje det hadde vore fint med ein på den lilla lua eg strikkar på...saman med fleire knappar i ulike storleikar og lillatonar..?

På tide å krype opp i loppekassa...få seg nokre timar på puta før DUNNISbabyen vaknar og skal ha nattmat.

God natt!

...men en liten lue av farvet ull, som hun hadde fått utav mor.

Høstens fyrste strikkeprosjekt er endeleg i gang. 
Eg har kjøpt inn dét nydelege garnet! Jaipur Silk Fino 100% morbærsilke frå BC GARN. Dette garnet er sååå mjukt, lunt og vakkert både å sjå og ta på! 
Aller fyrst har eg byrja på ei djevellue til DUNNISbabyen. Planen er å få stikke opp ein del luer og smetteskjerf etter kvart...kanskje nokon vert pakka inn og lagt under eit juletre, andre lagt til side til andre formål...salg...eller kanskje til og med ein blogboutique..? 
...me får sjå ;)

Morbærsilke er eit nokså dyrt garn...fekk nesten sjokk då eg såg prisen, men garnet var så vakkert at eg berre måtte kjøpe det. Dessutan reknar eg med at 100 gram skulle halde til fleire små strikkeplagg, og då er ikkje prisen så avskrekkande likevel...
Må vere flink til å bruke alle små ledige stunder framover no, då...for jammen har det vore eit kaldt drag i lufta dei siste dagane...og lille DUNNISbabyen må ikkje fryse på det lille, vakre hovudet sitt. 
Kjenner at eg klør i fingrane etter å få strikke og gler meg kjempemasse til å ta lua i bruk. Får håpe eg strikkar stort nok, då...DUNNISbabyen veks jo så fort! 
Det er ikkje alltid like lett å tilpasse ny tråd til ei gamal oppskrift, men eg håpar på det beste og satsar på at ho får brukt lua ei god stund. 

Tynn morbærsilke, tynne strikkepinnar og ein nydeleg lillafarge...dette må verte vakkert!
Kva trur du?


Ha ein fin dag!


Ps!
Og no kikkar sola fram, også...kanskje det er håp om å få kleda som heng på snora tørre...